सुरुङभित्रबाट १० दिनपछि २ जनाको जीवितै उद्धार

काठमाडौं - त्रिशूली–३ ‘ए’ जलविद्युत आयोजनाको सुरुङभित्र फसेका २ जनाको जीवितै उद्धार भएको छ । रास्वपा सांसद  श्रीराम न्यौपानेका अनुसार सुरुङ भित्रबाट सञ्जय साह र कविर महर्जनको जीवित उद्धार गरिएको हो । 

यसअघि उद्धार टोली र सुरुङभित्र फसेका व्यक्तिहरूबिच दोहोरो संवाद भएको थियो । उद्धारमा खटिएको टोलीले भित्र फसेकाहरूलाई ढाडस दिँदै 'नआत्तिनुहोस्, हामी उद्धार गर्दैछौँ'भनी कराउँदा भित्रबाट 'हुन्छ' भन्ने स्पष्ट प्रतिक्रिया आएको थियो ।

सांसद श्रीराम न्यौपानेका अनुसार नेपाली सेना र सशस्त्र प्रहरीको टोलीले अन्यको पनि उद्धारमा लागि परेको जानकारी दिए ।