काठमाडौं –
एमाले १० औं महाधिवेशन उद्घाटन सत्रमा हिभागिता मात्रै होइन, कतिपय यसबारे ‘अनभिज्ञ’ रहेको पाइएको छ ।
‘देवघाट दर्शनको लोभ देखाएर दिनभर महाधिवेशनमा प्रयोग गरिएको’ गुनासो समेत आउन थालेका छन् । उनीहरुकै भनाइ आधार मान्ने हो भने निस्शुल्क यात्रा र खानाको लोभमा देवधाट दर्शनका नाममा आफूहरुलाई चितवन ल्याइएका’ हुन् ।
‘हामी सित्तैमा देवघाट घुम्न पाउने आशाले आएका हौं,’ काभ्रेपलाञ्लान्चोककी राधा दाहालले सुनाइन्, ‘त्यसैले परिवार सहित आइपुगेका छौं ।’
‘राजनीतिक रुपमा नेपाली कांग्रेससँग अस्था’ राख्ने सिन्धुलीका धुव घिमिरे ‘एमाले प्रतिनिधि’ हुने त प्रश्न उठ्दैन । तर पनि उनी एमाले महाधिवेशन उद्घाटन समारोहमा उपस्थित भए ।
परिवार सहित देवघाट दर्शन गर्न पाउने भएपछि एमालेले व्यवस्था गरेको गाडी चढेर देवघाट आइपुगेको घिमिरेले बताए ।
‘सित्तैमा देवघाट घुम्न पाउने भएपछि राजनीतिक भन्दा पनि धार्मिक आस्थाले आएका हौं,’ देवघाटको त्रिवेणी धाम स्नान गरिरहेका घिमिरे भन्छन्, ‘मजस्तै अरु पनि यसैगरी, आएका हुन् ।’
त्यस्तै, कास्कीका दुर्गाप्रसाद अधिकारीलाई पनि ‘देवघाट घुम्न जाने’ भनेर बोलाइएको हो । उनलाई स्थानीय एमाले कार्यकर्ताले ‘बिहीबार राती खाना खाएर हिड्ने र बिहानै देवघाट त्रिवेणी धाममा स्नानपछि मन्दिर दर्शन गरेर फर्कने’ बताएर महाधिवेशनस्थल ल्याएका हुन् ।
यस्तै एमालेको १० औं राष्ट्रिय महाधिवेशनमा अध्यक्षमा उम्मेदवारी दिने घोषणा गरेका नेता भीम रावलले एक मत आए पनि आफू प्रतिस्पर्धाबाट पछि नहट्ने बताएका छन् ।
उम्मेदवारी मनोनयनका लागि तयारी गरिरहेको बताउँदै उनले अब पछि हट्ने अवस्था नरहेको बताए । होटल सेभेन स्टारमा बन्दसत्र सकिएपछि उम्मेदवारी मनोनयन प्रक्रिया सुरु हुँदैछ ।
पदाधिकारी सर्वसम्मत चयन गर्ने प्रयासस्वरुप एमाले केन्द्रीय कमिटी बैठकले पदाधिकारीसहित केन्द्रीय कमिटीको संख्या बढाउने निर्णय गर्दै बन्द सत्रमा प्रस्ताव पेस गर्दैछ ।
तर रावलले भने आफू उम्मेदवारीबाट पछि हटि नसकेको बताएका छन् । उनले निकटस्थहरूसँग आफूले सात सय मत ल्याउने बताइरहेका छन् ।
यस्तै नेकपा एमाले अध्यक्ष केपी ओलीले नेता भीम रावल सहमतिमा आए वरिष्ठ उपाध्यक्ष दिने प्रस्ताव गरेका छन् । रावलले उपाध्यक्ष पद नछाडेपछि ओलीले उनीसँग छलफल गरेका थिए ।
ओलीले छलफलमा रावल सहमतिमा आए वरिष्ठ उपाध्यक्ष दिन सकिने प्रस्ताव राखेको नेकपा एमालेका एक पदाधिकारीले जानकारी दिए ।
ओलीले आफू बसेको होटल सफारी पार्कमा नेताहरुसँगको भेटलाई तिब्रता दिएका छन् । दशौं महाधिवेशनमा रावलले अध्यक्ष पदमा उम्मेदवारी दिएका छन् ।
यो पनि : एमालेको १० औं राष्ट्रिय महाधिवेशनमा उद्घाटनसत्रको भीडमा भेटिइन् ९० वर्षीया तुलसी पौडेल। पर्वत घर भएकी पौडेल देवघाटमा बस्छिन् ।
भत्ता दिने नेता हेर्न र उनीहरूले भन्ने कुरा सुन्न आएको उनले बताइन्। एकपटक कांग्रेसलाई भोट दिए पनि कुनै काम नगरेको गुनासो उनले गरिन्।
‘माले हुँदाबाटै यस पार्टी (एमाले)लाई भोट दिँदै आएकी छु, बाचुञ्जेल दिइरहन्छु’, उनले भनिन्, ‘भत्ता दिन सुरु गरे, पछि बढाए। वृद्धभत्ता दिने पार्टीका नेता भनेर हेर्न आएकी हुँ।’
नवलपुरको मुक्तिचोक बस्ने कली सुनार बगरको चिसो भुइँमा बदाम खाँदै चासोका साथ एमाले अध्यक्ष केपी शर्मा ओलीको भाषण सुन्दै थिइन्। उनी ओलीलाई राजनेता मान्छिन्।
ओली गरिब दुःखी र असहायको सहारा बनेको उनको बुझाइ छ। उमेरले ६० वर्ष पुग्न लागेकी उनी अर्को सालदेखि भत्ता खाने पाउने आशामा खुसी छिन्।
अर्घाखाँची चिदिकाबाट दुई दिन लगाएर चितवन आइपुगेकी छन्, मनकला न्यौपाने। उनी पानीको व्यवस्था नभएको भन्दै कार्यक्रमस्थलमा भौतारिइरहेकी थिइन्। तर,ओलीको भाषण सुनेर मक्ख थिइन्।
‘हाम्रो केपी ओलीको कार्यक्रम भनेर आइयो। भोकप्यास छैन। महाधिवेशनमा जिताएर फेरि नाच्ने हो’, उनले भनिन्। ओलीको काम, व्यवहार र देशलाई माया गर्ने शैली मन पर्छ उनलाई। ‘उहाँले वृद्धवृद्धा त पाल्नुभयो। अब एउटै बिन्ती छ– युवाहरूलाई पनि स्वदेशमा रोजगारको अवसर जुटाइदिनु पर्यो’, उनले भनिन्, ‘उहाँकै आशा र भरोसा छ।’
ओलीको स्वर सुन्न भन्दै नवलपुर पिठुवाबाट छोरासँग मोटरसाइकल चढेर महाधिवेनस्थलमा आएकी छन्, ७३ वर्षीया विष्णु श्रेष्ठ। वृद्धाभत्ता दिने नेता यिनै भएकाले भाषण सुन्न आएको उनले बताइन्।
‘उहाँ मलाई निकै मनपर्ने नेता हो। अहिलेको नेतामध्ये सबैभन्दा मन पर्छ’, उनले भनिन्। पर्वतकी हरिकला सुनारले ओलीलाई भेट्न/सुन्न नारायणगढ आएको बताइन्। ‘उहाँको भाषण निकै मन पर्छ’, उनले भनिन्। ओली ज्येष्ठ नागरिकलाई माया गर्ने नेता भएको उनले बताइन्।
सञ्जोग ठाकुरले ओलीलाई चितवनमा स्वागत गर्न सिरहा मिर्चैयाबाट आएको बताइन्। ‘हामी पहिलादेखि यही पार्टीमा छौ। उहाँ हामीलाई मन पर्ने नेता हो’, उनले भनिन्।
सिरहामा सरकारले वृद्धभत्तामा दलित र अन्यलाई भे’द’भा’व गरेको गुनासो उनले गरिन्। भनिन्, ‘कानुन एउटै बनाउनुपर्छ। समान व्यवहार हुनुपर्यो।’
धादिङका ६५ वर्षीय रुद्रबहादुर श्रेष्ठ ओलीका कुरा सुन्न महाधिवेशनस्थल आइपुगे तर भीडमा छिर्न सकेनन्। ओलीलाई प्रत्यक्ष देखेर उनका कुरा सुन्ने रहर पूरा हुन नसके भन्दै उनले दुःखमनाउ गरे।
उनी बाहिर चोकमा एक पसल अगाडि सडकपेटीमा थचक्क बसेर ओलीको भाषण सुन्दै थिए। ‘भित्र छिर्न सकिनँ। प्रत्यक्ष देख्न र सुन्न मन थियो पाइनँ’, उनले भने।
म्याग्दीको रुमा गाउँबाट आएकी मनसुवा गोतामेले ओलीको पार्टीले सहयोग गरेको बताइन्। ‘उहाँ आउने भनेपछि आउन मन लाग्यो। देख्न मन लाग्यो’, उनले भनिन्, ‘उहाँ नै हाम्रो नेता हो। अब पनि उहाँले नै जित्नुपर्छ।’
