काठमाडौं – कलाकार सागर लम्साल ‘बले’ ले विवाह गरेका छन् । उनको आइतबार चावहिलको एक पार्टी प्यालेसमा विवाह समारोह आयोजना गरिएको छ ।
भक्तपुरको एक अस्पतालमा काम गर्ने नर्स स्नेहा दंगालसँग बलेले मागी विवाह गरेका हुन् । उनी कमेडी सिरियल सक्किगोनीका कलाकार हुन् ।
उनी केही समयअगाडि कमेडी सिरियल भद्रगोलमा समेत आवद्ध थिए। उनले धेरै म्युजिक भिडियोमा समेत अभिनय गरेका छन् ।
घर परिवार र नजिकका आफन्तलाई मात्रै बोलाएर उनले विवाह गरेको बुझिएको छ ।
बलेका सहकर्मी हरिस निरौला ‘कक्रोज’ भन्छन्, ‘कपनबाट जन्ती लिएर भक्तपुर आएका हौं । हतारको बिहे भएकाले थोरै उपस्थित छौं ।’
थुप्रै कलाकारले सामाजिक सञ्जालमा तस्बिर राख्दै वैवाहिक जीवनको शुभकामना दिइरहेका छन् ।
