काठमाडौँ – नेपाली कांग्रेसका सभापति तथा प्रधानमन्त्री शेरबहादुर देउवालाई उनको निर्वाचन क्षेत्रबाट दुःखद खबर प्राप्त भएको छ । ‘नो नट अगेन’ अभियान चलिरहेका बेलामा देउवाकै स्वकिय सचिव समेत भएका कर्ण मल्लले देउवा हराउन अभियान चलाएपछि देउवाको प्रेसर बढेको छ ।
२०७४ सालको निर्वाचनमा डढेलधुरामै काग्रेसबाटै उमेदवार भएर प्रदेशसभाको सांसद बनेका मल्ल यस पटक देउवालाई हराएरै छोड्ने मिसनमा लागेका छन् ।
अघिल्लो निर्वाचनमा देउवा प्रतिनिधीसभाको उमेदवार हँदा मल्ल प्रदेशसभाको उमेदवार बनेर डढेलधुराबाट निर्वाचित भएका थिए । यस पटक देउवा हराउँने मिसनमा रहेका मल्लका कारण देउवालाई यस पटकको निर्वाचन फलामको चिउरा चपाउँनु सरह हुन सक्ने आकलन गरिएको छ ।
हालै सम्पन्न स्थानिय तहको निर्वाचनमा पनि मल्लले काग्रेस विरुद्ध एमालेसँग तालमेल गरेका थिए । देउवाकै आफ्नै गृह वडामा समेत काग्रेस पराजित भएर कर्ण मल्लले अघि सारेका उमेदवार विजयी भए पछि देशव्यापी चर्चा चुलिएको थियो । यस पटक संघिय निर्वाचनमै देउवालाई हराउँने मिसनमा उनी लागेका छन् ।
६ पटक सम्म लगातार शेरबहादुर देउवालाई डढेलधुराबाट निर्वाचन जिताएर डढेलधुराका जनताले के पाए र अब किन देउवालाई जिताउँने ? भन्दै मल्ललले प्रश्न गरेका छन् । आफुले जिताएर पठाएको जनप्रतिनिधी प्रधानमन्त्री हुँदा डढेलधुराका जनतालाई गौरव हुन पर्ने तर त्यस्तो केहि नभएको उनले भनेका छन् ।
