काठमाडौं – चर्को विरोध भएपछि नागरिकता सम्बन्धी विद्येकमा सरकार ब्याक भएको छ । प्रतिनिधिसभामा विचाराधीन रहेको नागरिकतासम्बन्धी विधेयक फिर्ता लिएर सरकार ब्याक भएको हो ।
मंगलबार बसेको मन्त्रिपरिषद बैठकले नागरिकता विधेयक फिर्ता लिने निर्णय गरेको एक मन्त्रीले जानकारी दिए । सरकारले २०७५ सालमै ल्याएको नागरिकता विधेयकमा प्रतिनिधिसभाको राज्य व्यवस्था तथा सुशासन समितिले छलफल सकेर बहुमतले प्रतिवेदन पारित गरी प्रतिनिधिसभा बैठकमा पेश गरिसकेको थियो ।
तर उक्त विधेयकमा नेपाली पुरुषसँग विवाह गरेर आउने विदेशी महिलालाई तत्कालै नागरिकता दिने वा ७ वर्षपछि दिने भन्ने विषयमा विवाद छ । भारतीयहरुको सड्यन्त्रका कारण तत्काल नागरिकता दिन लागेको भन्दै देशभर विरोध भएको थियो ।
नागरिकता विद्येक फिर्ता भएपछि देशभर खुशीयाली छाएको छ । विशेषगरी संसद बाहिर रहेका विभिन्न कम्युनिस्ट पार्टीले यसको स्वागत गरेका छन् ।
