काठमाडौं – नेकपा एमालेका अध्यक्ष केपी शर्मा ओलीले मिटू आरोपमा काठमाडौं महानगरपालिकाका मेयर उम्मेदवार केशव स्थापितको बचाउ गरेका छन् ।
बिहीबार काठमाडौंमा आयोजित कार्यक्रममा ओली र एमालेका मेयरका उम्मेदवार स्थापित सहभागी भएका थिए । कार्यक्रमलाई सम्बोधन गर्दै ओलीले चुनावका बेला मात्र मिटूको मुद्दा उठाइएको बताए ।
उनले अघि भने, ‘मिटू ! मिटूको के जवाफ हुन्छ ? चुनाव आयो कि मिटू । हामी यस्ता कुराहरुमा होइन, महान उेद्दश्यमा अघि बढेका छौं ।
ओलीले महिला अधिकार, अस्मिता र सुरक्षाको सम्मानमा एमालेजति सजग अरु कोही नभएको बताएका छन् ।
