काठमाडौ –
स्थानिय तहको निर्वाचनको घोषणा पछि सबै राजनीतिक दल अहिले निर्वाचनमा होमिइसकेका छन् । केही मुख्य नेताहरु पार्टी प्रवेशको कार्यक्रमको दौडधुपमा लागेका छन् ।
केही दिन अघि अभिनेत्री करिश्मा मानन्धर नेकपा एमालेमा प्रवेश गरिन् । उनी एमाले प्रवेश गरेको समाचार भन्दा उनले कपिलबस्तुमा गरेको एउटा भाषण निकै चर्चित बन्यो ।
उनले आफ्नो न्वारनको नाम सुर्यकुमारी हो भन्दै भाषण गरेकी थिइन् । कलाकारहरु पनि धमाधम पार्टी प्रवेश गर्न थालेपछि यता कलाकार दीपकराज गिरी पनि राजनीतिमा कलम चलाउन थालेका छन् ।
उनको ब्यग्यं अहिले राजनीतिक केन्द्रित हुन थालकेो छ । यसै क्रममा पछिल्लोपटक उनले अहिले देशमा जारी पार्टी प्रवेशको लहरलाई व्यंग्य गरेका छन्।
उनले आफ्नै परिवारलाई उदाहरण बनाएर पार्टी फेर्ने र फेराउने प्रवृत्तिविरुद्ध कटाक्ष गरेका छन्। बाले कांग्रेस हुँ भन्नुहुन्थ्यो घरमा एक हुल नेता आएर एमाले बनाइदिएर गएछन्
१ सूर्यलाई भोट हाल्ने मेरी बूढी पँधेरोबाट आउँदा माओवादी प्रवेश गरिसकिछन्’, गिरीले व्यंग्य गर्दै फेसबुकमा लेखेका छन्, ‘छोरो अहिलेसम्म घर आ’को छैन, कांग्रेस बनेर आउला भन्ने डर भो, देशको हालत।’
