काठमाडौं –
सन् २०२२, मार्च २० देखि २६ सम्म नेपाली सेना र अमेरिकी सेनाका नेभी अधिकृतहरूले काठमाडौंको छाउनीस्थित नेपाली सेनाको वीरेन्द्र अस्पताल काठमाडौंमा
प्राकृतिक वा अन्य प्रकारका विपत्तीमा गरिने हवाइ चिकित्सा उद्धारका क्रममा थाहा नभइ नहुने विभिन्न विषयवस्तुमा अनुभव आदान(प्रदान कार्यकुम गरिएको जानकारी हुन आएको छ ।
“Medical Evacuation Information Exchange 22” नाम दिइएको उक्त कार्यक्रम समापनका क्रममा नेपाली तथा अमेरिकी दुवै सेनाका टोलीहरूले छाउनीस्थित सैनिक ब्यारेकमा हेलिकप्टरद्वारा गरिने चिकित्सकीय उद्धारलगायत सो सम्बन्धी विविध प्रदर्शन गरिएको बताइएको छ ।
तस्बिर- अमेरिकी राजदूतावास, काठमाडौं
भूपू सैनिकलाई विदेश जाने सोच त्याग्न प्रधानसेनापतिको आग्रह
प्रधानसेनापति प्रभुराम शर्माले नेपाली सेनाका सङ्गठनमा रहँदा प्राप्त गरेका तालिम, ज्ञान, सीप र अनुभव नेपाली माटोमै लगाउन भूपू सैनिकलाई आह्वान गरेका छन् ।
यहाँस्थित भवानी दल गण तेघरी ब्यारेकमा आयोजित भूपू सैनिक सम्मेलनलाई सम्बोधन गर्दै उनले राष्ट्र र समाजलाई दिएको योगदान कहिल्यै खेर नजाने भएकाले परिश्रम र देशभक्तिको ज्ञान अरुलाई सिकाएर सहयोग पुर्याउनु पर्ने बताए ।
प्रधानसेनापति शर्माले भने, ‘स्वदेशमै बसेर माटो खन्ने खोस्रने गर्नुस्, परिवार, समाज र देशको आर्थिक विकासमा टेवा पुर्याउनुस्, विदेश जाने सोचमा हुनुहुन्छ भने त्याग्नुस् ।’
विदेशमा गएकाले धेरै दुःख पाएको देखेको घटना सुनाउँदै उनले भने, ‘त्यहाँ नेपाली तल्लो स्तरको काम गरेको देख्दा चित्त दुख्छ,
नेपाली माटोमै केही गरेर देखाउनुस्, विदेशमा पैसा फलेको हुन्न, झन् दुःख पाइन्छ, तपाईँ सक्षम हुनुहुन्छ तालिम र ज्ञानलाई यही प्रयोग गर्न अनुरोध गर्छु ।’
कल्याणकारी बोर्डका प्रमुख कार्यकारी अधिकृत गौरव तण्डुलले कोषमार्फत प्रदान गरिएको सहुलियतपूर्ण कर्जाको सदुपयोग गरी स्वरोजगार र आयआर्जन बढाउँदै जीवनस्तर उकास्न सुझाव दिए ।
नेपाल राष्ट्रिय भूतपूर्व सैनिक सङ्घका वरिष्ठ उपाध्यक्ष अवकाशप्राप्त सहायक रथी केशरबहादुर भण्डारी, अप्रा उपरथी शम्शेर ठकुरी र बलाध्यक्ष रथी
सरोजप्रताप राणाले कोषमार्फत सञ्चालन भएका स्वास्थ्य, शिक्षा, सीप र स्वरोजगार तथा सुविधा र सहुलियत कार्यक्रमले भूपू सैनिकको जीवनस्तर उकास्न गरेको योगदानको चर्चा गरेका थिए ।
सम्मेलनका क्रममा १०६ वर्षीया एकल महिला भद्रकाली कठायत र ९३ वर्षीय खड्गजीत खत्रीलाई ज्येष्ठ भूपू तथा एकल महिलाको सम्मान प्रदान गरिएको थियो । कार्यक्रममा यस क्षेत्रको वेषभूषा, झाँकी प्रदर्शन गरियो ।
कार्यक्रममा प्रधानसेनापति शर्माले भूपू सैनिक र उनका परिवारसँग अन्तक्र्रिया गरेका थिए भने सम्मेलनमा कैलालीका ९१९ र कञ्चनपुरका एक हजार ३४४ भूपू सैनिक तथा एकल महिला परिवारको सहभागिता थियो ।
