स्थानीय धनबहादुर लामाले बाढीले नयाँ बस्तीका फुलबहादुर रुम्बा, हस्तबहादुर सिङ्तान, बुद्धि सिङ्तान, प्रकाश सिङ्तान, साजन सिङ्तान, देवराज सिङ्तान, विक्रम सिङ्तान र उत्तरमान गोलेको घर बगाएको जानकारी दिए। उक्त बाढीमा एकजना महिला बेपत्ता भएकी छिन् ।

बाढी, पहिरो, डुबान तथा प्राकृतिक विपद्का घटनामा परी काभ्रेमा ३१ जनाको मृत्यु भएको छ । जिल्ला प्रहरी कार्यालय काभ्रेका अनुसार हालसम्म ३१ जनाको ज्यान गएको छ । विपद्का घटनामा परी १९ जना बेपत्ता छन् भने ४२ जना घाइते भएका छन् ।

काभ्रेमा अहिले नेपाली सेनाका तीन वटा हेलिकोप्टरले उद्धार कार्य जारी राखेको छ । विपदको जोखिममा रहेका रोशी, पनौती, तेमाल, बेथानचोकका नागरिकहरुको उद्धारमा सेनाले लगातार हवाइ उद्धार गरिरहेको छ। हेलिकोप्टरबाट ९४ जनाको उद्धार गरिएको छ ।