काभ्रे – सुख्खा पहिरोले अरनिको राजमार्ग अवरुद्ध भएको छ ।
अरनिको राजमार्गअन्तर्गत काभ्रेको भुम्लु गाउँपालिका वडा नम्बर–८, बन्देउमा र पाँचखाल नगरपालिका–४ फेदीमा सुख्खा पहिरोले बाटो दुईतर्फी नै बन्द भएको जिल्ला प्रहरी कार्यालय काभ्रेले जनाएको छ ।
पहिरो हटाउन केही समय लाग्ने जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राजकुमार श्रेष्ठले जानकारी दिनुभयो ।
उहाँका अनुसार साना गाडीलाई वैकल्पिक बाटोबाट गन्तव्यतर्फ पठाइएको छ ।
उक्त राजमार्गको जिरोकिलो–दोलालघाट खण्ड पटकपटक अवरुद्ध हुँदै आएको छ ।
