काठमाडौं – बागमती प्रदेशका मुख्यमन्त्री शालिकराम जम्कट्टेलले मन्त्रिपरिषद् विस्तार गरेका छन् ।
कांग्रेस संसदीय दलका नेतासमेत रहेका बहादुरसिंह लामा आर्थिक मामिला तथा योजना मन्त्री बनेका छन् भने कांग्रेसकै काभ्रेबाट विजयी तीर्थबहादुर लामा खानेपानी उर्जा तथा सिंचाई मन्त्रीमा नियुक्त भएका छन् ।
आज नियुक्त भएका मन्त्रीहरुले आज साँझ नै पद तथा गोपनीयताको शपथ ग्रहण गरेका छन् । मन्त्रीद्वयलाई प्रदेश प्रमुख यादव चन्द्र शर्माले शपथ खुवाएका हुन् । राप्रपा र एमालेले छोडेका ७ मन्त्रालयमा आज २ मन्त्रालयको पदपूर्ति गरिएको र बाँकी ५ मन्त्रालयको पनि छिट्टै पदपूर्ति हुने मुख्यमन्त्री शालिकराम जम्मकट्टेलले बताए ।
बागमती प्रदेश कांग्रेस संसदीय दलका नेता बहादुरसिंह लामाको नेतृत्वका कांग्रेस सरकारमा सहभागी भएको हो।
मन्त्रालय विस्तारको विषय टुङ्गोमा नपुग्दा मुख्यमन्त्री शालिकराम जम्कट्टेलले अन्य ७ वटा मन्त्रालय समेत आफैंले सम्हाल्दै आइरहेका थिए। यो अवधिमा प्रदेश सरकारमा २ वटा समिकरण बनिसकेको छ।
पुस २५ गते तत्कालीन नेकपा माओवादी केन्द्रको नेतृत्वमा नेकपा एमाले, राप्रपा, नेकपा एकीकृत समाजवादी र हाम्रो नेपाली पार्टीको समर्थनमा शालिकराम जम्कट्टेलले सरकार निर्माण गरेका थिए। राष्ट्रपति निर्वाचन सन्दर्भमा केन्द्रमा समिकरण बदलिएसँगै राप्रपा र एमाले सरकारबाट बाहिरिएका थिए। एमाले र राप्रपा बाहिरिएपछि प्रदेशमा रहेका ११ मन्त्रालयमध्ये ४ वटामा मात्रै मन्त्री रहेका थिए। फागुन १३ मा राप्रपाका मन्त्रीहरु र चैत १० मा एमालेका मन्त्रीहरूले राजीनामा दिएका थिए।
बागमतीमा कांग्रेस सबैभन्दा ठूलो दलको रुपमा रहेको छ । कांग्रेसले छ वटा मन्त्रालयमा दाबी गर्दा गठबन्धनका दलबीच भागबण्डा मिलाउन सकस भएको थियो ।
यस्तै एकीकृत समाजवादीबाट कसलाई अघि सार्ने भन्नेमा हालसम्म पनि अन्यौल छ । यद्यपी, नेकपा एसका एक सांसदका अनुसार यसबारेमा जानकारी नै नभएको बताएका छन् ।
जिल्ला सभापतिमा काभ्रेको शान दिनदुखीको भगवान भनेर चिनिने संविधानसभा सदस्य,पुर्व संसद तिर्थ लामाले मन्त्रि बन्द काभ्रेली जनतामा भने उमंग छाएको छ । आफुले जिताएर पठाएको संसाद मन्त्रि भएको सुन्दा आफु निकै खुशि भएको खानीखोला ४ का स्थानीय लामा प्रमुख सानु लामाले बताउनुभयो । अब उहाँले चुनावी कार्यक्रममा गरेका बचन समेत पुरा गर्नु हुनेमा समेत ढुक्क रहेको हामीलाई बताउनुभयो ।
लामा ७४ को निर्वाचनमा थोरै मतको अन्तरले बाम गठबन्धनसँग काभ्रे क्षेत्र नम्बर १ बाट पराजित भएका थिए,आफू पराजित भएर सरकारमा नभए पनि अवरात खटिएर जनताको घर दैलोमा पुगी गरिब जनताको सेवामा लागी पर्ने एक होनहार नेपाली काङ्ग्रेसका युवा नेता हुन।
